9月1日，跟老朋友去看了《翻生求職黨》。本以為這都是無聊大笑一輪的電影，但原來喪笑得來卻帶點啟發性。電影大致講兩名鐘錶Top Sales被炒，想搵新工時，才發現自己同時代完全脫節、咩都唔識 ！結果卻因為夠騎呢、夠大膽而入選Google做實習！兩位超齡實習生入到去當然被人歧視、被人整蠱，弄出一堆笑話！
看著這兩名大叔，人到中年才來失業，人又無錢又無，忽然就令我想起這句話："The man who graduates today and stops learning tomorrow is uneducated the day after."這句話於今時今日更加貼切。當一年出幾十款智能手機、十幾萬個應用程式、電腦又不斷升級、資訊只會愈來愈氾濫、愈來愈快。如果我們唔「跑」住去理解新的事物，慢慢，我們就是被淘汰的一群。
電影中，兩位大叔可算是極級「Outdated」人，不知什麼是「Instagram」、將「Online」講成「On the line」、最離譜是不知誰是「Professor X」！當中一個願意去學，另一個仲想依賴小聰明，結果就累到成隊人捧蛋。記得看過一個報導，講述一個80幾歲的日本老人家，退休後才學用Excel作畫，畫作仲贏取比賽冠軍！他的畫並不是曠世名作，但他積極的心卻被更多名人值得敬重。明知學習只會令自己更好，又為何總是輸給「懶惰」兩個字? 或者到了某個年紀，大家都會怕「學唔掂」同改變?
始終是荷里活電影，結尾當然大放正能量！年輕尖子從大叔身上學會團隊精神、大叔們又發奮找到大生意，結果大家都成功贏得Google員工合約；而成日狗眼看人低的名校生當然無得留低。看完這齣電影，整個人都好像重拾生氣。
以往的9月1日，是一個學年的新開始，年年我都會買新文具去學新野，貪好意頭。但近幾年這日子已淪為極尋常的一個上班日。今年的9月1日，意外地看到齣關於學習的電影，才想到：學習，何須擇日?
沒有留言:
張貼留言