天台(Rooftop)：新鮮嘗試，浪漫音樂為電影加分

唔知大家鐘意周杰倫D咩?
佢出道的時候，我只係初中，仲會發下少女夢。記得果時好鐘意佢某幾首歌，會日loop夜loop，包括《龍捲風》、《回到過去》、《斷了的弦》等等。總係有種難以形容的愁。到後來大個，雖然已經唔會專登去追佢的新歌或者新戲，但就一直仲好欣賞佢。


早幾日睇左周杰倫自編自導自演的新戲《天台》，整體水準一般。但意外驚喜係黎套戲令我了解到周杰倫，同埋知道自己真正係欣賞佢D咩。


第一，我欣賞佢的浪漫主義
有時候，生活係現實社會，講浪漫都哂氣。但偏偏周杰倫可以諗到將一間屋變正一個巨型音樂盒，生活其中的人，時刻都可以聽著最喜愛的歌。超夢幻。同時，電影畫面色彩豐富，完全脫離現實，配上他自創的歌，感覺好快樂同浪漫。或者佢已經唔再係當年要遮面出碟的小子，而係自信滿滿的天皇巨星，但在內心深處，佢一定仍然相信夢想與浪漫，先會拍得出《天台》這部浪漫喜劇。


第二，我鐘意佢夠膽
邊有人會夠膽拍最少人睇既歌舞喜劇? 對上一套已經係陳可辛《如果‧愛》。陳可辛係金像大導，有冒險精神一點都不為奇，但周杰倫只係拍緊第2部戲，可算是勇氣可嘉！我反而鐘意電影前段連場歌舞多過後期專注講愛情。特別鐘意浪子膏失戀後，街中散步的一幕MV，場面調動有心思亦好有feel，連隻歌既melody都仲會半夜浮現係腦中。


周杰倫始終係一個好有才華的音樂人，即使他的歌風永遠一樣，我估我地果代人都會依舊沉醉係佢果種唔講出口的浪漫裡面。